KoBaNe by Minimal

营业中

休息中

餐厅装修以木系为主，感觉舒服。由于我地好晏先去到，出名既甜品都已经卖晒，唯有下次再去。姜烧汁鸡扒定食$135依个姜烧汁鸡扒定食，鸡扒煎得岩岩好，够嫩滑，咬落去啖啖都系肉汁，啲姜烧汁又香又浓。味噌烧比目鱼定食$135鱼皮烧得好香脆，而鱼肉都好嫩滑而且有淡淡油香味。另外每个定食都会有前菜，汤同配菜，每样都十分出色当晚前菜有椰菜包配萝卜，椰菜包住左肉丸，肉丸同萝卜都好够淋，萝卜虽然咸左d，但配埋白饭食岩岩。虽然系简单既面面豉汤，但都好足料。配菜都好用心，系自家制既鸡肉丸，因为鸡肉丸除左有食到软骨，仲混左香草既味道，好特别。佢用既米都好有质素，既埋饭素食一流。