Delish Kitchen by ALOT

营业中

休息中

餐厅面积够晒大，枱同枱之间亦都有充足嘅位置，环境清幽，好适合一大班朋友去聚会。而且装修用咗木系嘅风格，令到人好舒服同放松。💛是日餐汤是日餐汤系忌廉汤，入边配有两粒多士粒，因为浸咗汤，咬落去又脆又淋，口感十足。💛芝士澳洲和牛汉堡伴焦糖洋葱个汉堡中间嘅配料有好多，令到个汉堡包胀卜卜，当中嘅和牛汉堡十分多汁，上面仲配有半溶嘅芝士同甜甜嘅洋葱，十分配搭，唔会太腻。而且仲配有田园沙律同甜蕃薯条，配料十足。💛黑毛安格斯榖饲牛肉眼个肉眼够晒厚身，唔会过熟，而且肉汁丰富，煎得好好，配埋少量嘅酱汁，酱汁唔会盖过肉嘅味道。再配埋炒椰菜同薯蓉，个薯蓉好细滑，入口即溶。💛紫菜芝士甜番薯条配黑松露酱好少餐厅会有甜番薯条，难得呢度有梗系要叫啦！番薯条粗度适中，炸到外脆内软，表面配有咸咸既芝士分，蘸埋黑松露酱，咬落去又有黑松露嘅味道，亦都有番薯嘅甜味。💛65% Iced Chocolate 朱古力浓度充足，唔会话好甜，不过饮嘅时候冇搅匀，饮到底充满着朱古力。