Taste All Pate

营业中

休息中

之前已经好想试，今日终于试到午餐！见到食评有赞冇弹，真系有少少期望。果然冇令人失望！真系感觉到佢哋系一间好有诚意嘅小店，厨师同埋接待嘅姐姐都好友善。就咁个沙律已经好似艺术品咁样朋友拣咗蟹膏意大利饭我呢个慢煮羊羊，好好味！杏脯汁好特别好清新。薯蓉亦都好幼滑！餐包咗一个小挞。我哋另外嗌多咗三款甜品。性价比很高。呢个鲜果拿破仑真系好好味。好脆脆。好fresh!Tiramisu同平时食开嘅有啲唔同。焦糖炖蛋就冇得顶。整体嚟讲我会比一百分。好少咁赞。因为由佢嘅食物、服务都觉得系满分。只有12个座位，午餐分两场，都系full House。唔订位真系冇得食。虽然佢咁多人，安排座位嘅姐姐温文有礼。平时有啲餐厅如果系咁受欢迎，都会唔忧做。但系佢哋就系好有诚意，见到好多似乎都系熟客。下次我要嚟试晚餐！唯一最理想嘅，因为我坐喺好近煎牛扒𠮶个位系有少少烟的。不过可以理解。。问题不大。