YOKU MOKU

营业中

休息中

月中同朋友去左山顶野餐，记起IFC有呢间蛋卷，YOKU MOKU 喺日本都几多分店，本店喺东京南青山，出售果冻、蛋卷、曲奇，全部日本直送。听讲蛋卷系人气之选，所以买左两个味道试一试（设一条装同半条装）包装几靓。原味蛋卷 $88皇家奶茶味蛋卷 $95蛋卷口感松软，蛋味都算浓。奶油忌廉细滑而且好香，但略甜。一定好食过普通饼店嘅蛋卷，当然价钱贵好多倍！奶茶味喺朋友群中评价有差，有朋友觉得一般，茶味唔够。但男朋友就觉得还可以，虽然觉得原味好食啲。整体黎讲，呢间嘅蛋卷价钱真系稍贵，不过唔算话好惊艳。一条嘅话，我地6个食，好足够，始终多吃奶油都会腻。有机会想试下8b dolce果个再比较。原味雪茄蛋卷值得一提，店员见我地人多，赠送左好几条原味雪茄蛋卷（唔止相中咁少）原本要买都唔平的，店家够大方！每条蛋卷都有独立包装，食落香浓奶油味，而且好脆！不过蛋味就偏淡。我地反而觉得呢几条蛋卷几唔错。