影片
更多
2010-08-06
33 浏览
琴晚真系可以用贵人出门招风雨黎形容，突然既红色暴雨，连尖沙咀地铁站出口都要间歇性封闭，好多人无带遮，出口塞满晒人！想要放弃到韩国街，改到近地铁站既食肆，但周边食肆唔系满晒就无兴趣试，幸好晌商场等左一轮，雨势稍为放缓，继续向目标进发。随意就选左清溪川，因为卡位好阔落，够位放好一袋二袋之余，d 衫湿淋淋都唔会太难受麻。 送上 10 款前菜，包括：泡菜，薯丝、大豆芽拼苋菜、茄子、海草、青瓜、鱼片等。大部份前菜味道都偏淡，接近原材料既食味，与平时食开带有蒜香同独特酱油味道既前菜好唔同，个人就觉得中庸之道系最好，太淡又欠风味、太浓就唔太健康！ 牛肋骨杂菇锅：因为阿妈唔食得辣，所以叫左呢个完全唔辣既，个侍应仲温馨提示话呢道菜系唔辣，我话无问题。一滚起先试啖汤，因为汤底好重要系成个煲既灵魂，色泽清澈，带点淡淡咸香，比想像好。材料方面除牛肋骨外，有迷你鸡肶菇、翠肉瓜、红萝卜、大葱、绍菜等。最有趣既系每旧牛肋骨都只有一端 "拎住" 两块小小既肉，成条骨身都系光秃秃既，真唔清楚呢个系咪正宗韩国菜既特式！ 鱼肉蛋饼：卖相好靓，一咬好浓郁既蛋香随即送到味蕾，好正！鱼肉嫩滑，系我食过既最厚身，所以口感特别丰富。
想要放弃到韩国街，改到近地铁站既食肆，但周边食肆唔系满晒就无兴趣试，幸好晌商场等左一轮，雨势稍为放缓，继续向目标进发。
随意就选左清溪川，因为卡位好阔落，够位放好一袋二袋之余，d 衫湿淋淋都唔会太难受麻。
送上 10 款前菜，包括：泡菜，薯丝、大豆芽拼苋菜、茄子、海草、青瓜、鱼片等。大部份前菜味道都偏淡，接近原材料既食味，与平时食开带有蒜香同独特酱油味道既前菜好唔同，个人就觉得中庸之道系最好，太淡又欠风味、太浓就唔太健康！
牛肋骨杂菇锅：
因为阿妈唔食得辣，所以叫左呢个完全唔辣既，个侍应仲温馨提示话呢道菜系唔辣，我话无问题。一滚起先试啖汤，因为汤底好重要系成个煲既灵魂，色泽清澈，带点淡淡咸香，比想像好。材料方面除牛肋骨外，有迷你鸡肶菇、翠肉瓜、红萝卜、大葱、绍菜等。最有趣既系每旧牛肋骨都只有一端 "拎住" 两块小小既肉，成条骨身都系光秃秃既，真唔清楚呢个系咪正宗韩国菜既特式！
鱼肉蛋饼：
卖相好靓，一咬好浓郁既蛋香随即送到味蕾，好正！鱼肉嫩滑，系我食过既最厚身，所以口感特别丰富。另外，中间既酱油好香，面有少许芝麻，味道适中，轻轻点上更可令鱼肉同蛋更香，好味之选！
泡菜炒饭：
卖相亦相当吸引，荷包蛋既蛋黄好涨 "buk buk"，代表鸡蛋质量好好！饭既干湿度把握得好，饭中混有爽口既泡菜粒同少许碎猪肉，味道唔算系韩国地道既劲辣， 啱香港人口味！份量亦唔少，最后食唔晒，惟有打包！
今次韩国街经验无想像中咁好，以为可以食到韩国地道惊喜，但味道仲系挣一 dd，唔可以话唔好食，但唔可以话好好，应该有改良既空间，希望下次有惊喜啦！
环境：店面唔算大，但卡位极为寛阔、客人可以都可以坐得舒舒服服。亦无金壁辉煌，只系和阶既韩式装修。
服务：当晚只有两位年青既男侍应，都以英文与客人沟通，起初都以为佢地系韩国人，后黎我请佢地帮忙睇一ｄ韩文字，先知佢地原来系尼泊尔人，但一 d 都唔似。但佢地都好帮忙让厨房既同事翻译。响点菜既时候，侍应都有提醒我地叫既份量可能过多，几体贴呀！整个食饭过程亦都有不停加茶、加水，服务有礼唔错呀！
张贴
