台食館 (獨立大廈)

营业中

休息中

呢间舖喺正大路，成日经过，今晚唔想周围等位，见佢好多位，试一试佢，点知咁就中伏了。蕃茄牛肉面啲面碎湿湿，牛肉有雪藏味，$70碗，但完全食唔饱。芝士肉松蛋饼不过不失，但份量少，得6旧。软壳蟹蟹黄膏肉碎拌面成餐最伏，软壳蟹劲厚粉，又干又硬，蟹黄膏完全食唔到有蟹膏味，如果唔知嘅情况下叫我估呢啲橙色嘢系咩，我谂我估十世都估唔到。连最简单嘅拌面都可以煮到腍啤啤，睇得出佢煮嘢系几咁求其。总结：佢有咁多位系有原因嘅，下次都系乖乖去返排队舖算。