四喜麵包西餅 (已結業)

四喜面包西饼上年系尖沙咀插左旗，不过因为疫情就停开分店，但最近终于开返！所以即时去买佢地招牌小食试下🥰今次就买左法式蛋批、花生朱古力同脆皮麻糬波波，见到松饼同曲奇都好想买，松饼$12/个，有朱古力、蓝莓、原味、仲有比较少见花生味，睇表面都见到粒粒花生🥜洋葱三文鱼蛋批｜$28蛋批有六款口味，包括有芫茜三文鱼、明太子沙乐米肠、洋葱三文鱼、法兰克褔肠咖哩、烟肉洋葱和西兰花磨菇，份量十足，可以当正餐食都够饱🤣蛋批用左酥皮做饼底，面层烤得焦香，蛋馅几滑同埋有蛋香，食到洋葱甜味同三文鱼，相当其他款式呢个就比较淡味d，但就更突出本身蛋既味道👍🏻花生朱古力｜$20/4oz松露朱古力同花生朱古力之间，我拣左后者，见到粒粒花生都包满朱古力真系好吸引😍花生用左泰国花生，够哂大粒，焗完先同朱古力混合，所以特别脆口🤤朱古力用左72%，虽然唔太浓，但胜在唔会好甜，4oz原来都唔少，过过口瘾不错脆皮麻糬波波｜$12/4件有芝士、朱古力同脆皮口味，麻糬波波空气感过强，基本上中间系空心🙈冇乜麻糬烟韧感同软糯，脆皮表面有点硬，焗完都冇好酥脆口感