本場

营业中

休息中

老友记好想食烧肉，我便提议去位于#琼华中心 的 #本场 ，放工后去到都唔使7点， 大把时间慢慢食。餐厅装修得精致，环境宽敞干净，食得安心又放心。点左极上牛小排海鲜放题，星期一至四只需每位$378，有139品食物选择，啱晒咩都想食嘅我哋。唔可以空肚食肉😊，于是叫左秋葵、牛油金菇、泡菜、牛油芦笋、鲜虾柚子沙律、蟹籽沙律同埋新鲜蔬菜🥬用黎包肉食。小食有明太子樱花虾，胡麻酱豆腐。炸物有芝士年糕、吉列虾、小丸子同鱼饼，款款都即叫即炸，热辣辣又香脆。店员先上一碟拼盘，内有牛舌、封门柳、牛小排、牛颈脊同帆立贝，牛肥瘦适中颜色有光泽，咬落牛味重，肉汁丰富，滋味满分💯。另外猪的有猪颈肉、豚五花、豚肩肉，其他肉类有芝士鸡腿肉、自细喜欢的烧鸡翼😗，腌制入味非常可口。海鲜有牛油广岛蚝、带子，虾仁、多春鱼及盐烧鲭鱼…，各食一口都饱到不得了。需要食埋淀粉质先至完满，乌冬、紫菜饭加埋温泉蛋，正☺️。甜品又系款款都想食，泡芙、榴梿糯米糍、芝士蛋糕🍰😋，好彩样样都唔大份，最后Movenpick雪糕结尾，大大的满足☺️。呢间放题高质美味，回头律极高☺️。