影片
更多
2011-12-20
9 浏览
个股市嘅成交得番 4、5 百亿。既然买卖两闲，不如唔讲股, 去讲饮讲食！买咗本法嘅 lunch 团购。"本法"个名听起厘几得意，原来系"日本"同"法国"菜 fusion 咁解，而餐厅嘅设计就系日式，颇为整齐明亮。但系本法俾我嘅好感，好快就变成失望喇 :1. 食品份量缩晒水 : 汤, 沙律, 同埋牛扒都系缩水嘅份量！汤与沙律祇有市面正常份量嘅一半左右, 牛扒就细咗约三份一。 如果与本法嘅团购网照片比较, 你会讲, 离晒谱, 差天共地。2. 货不对板 : 个汤唔系团购网餐单上讲嘅忌廉南瓜汤, 而系一个淡而无味嘅透明清汤, 淡到呢, 我冇办法饮得出系乜嘢汤。3. 味度方面 : 牛扒嘅味度系 OK，有炭烧味，但个汤就淡到冇味，而甜品就净系得个甜字，唔觉有奶嘅味！ 4. 服务方面都几离谱 : 当日一位中年女侍应, 带我去一张己经坐咗 3 个人嘅 4 人枱, 跟住我发现(计埋我在内)果张 4 人枱竟然同时坐咗 3 group 客。第一 group 系一男一女, 第 二 group 系一位小姐, 第 3 group 就系我啦。而喱 3 group 客都系团购客！咁我就知发生紧乜嘢事啦, 本法当 D
买咗本法嘅 lunch 团购。"本法"个名听起厘几得意，原来系"日本"同"法国"菜 fusion 咁解，而餐厅嘅设计就系日式，颇为整齐明亮。
但系本法俾我嘅好感，好快就变成失望喇 :
1. 食品份量缩晒水 : 汤, 沙律, 同埋牛扒都系缩水嘅份量！汤与沙律祇有市面正常份量嘅一半左右, 牛扒就细咗约三份一。 如果与本法嘅团购网照片比较, 你会讲, 离晒谱, 差天共地。
2. 货不对板 : 个汤唔系团购网餐单上讲嘅忌廉南瓜汤, 而系一个淡而无味嘅透明清汤, 淡到呢, 我冇办法饮得出系乜嘢汤。
3. 味度方面 : 牛扒嘅味度系 OK，有炭烧味，但个汤就淡到冇味，而甜品就净系得个甜字，唔觉有奶嘅味！
4. 服务方面都几离谱 : 当日一位中年女侍应, 带我去一张己经坐咗 3 个人嘅 4 人枱, 跟住我发现(计埋我在内)果张 4 人枱竟然同时坐咗 3 group 客。第一 group 系一男一女, 第 二 group 系一位小姐, 第 3 group 就系我啦。而喱 3 group 客都系团购客！咁我就知发生紧乜嘢事啦, 本法当 D 团购客系二等公民, 将 3 批互不相识嘅客迫埋坐满一张 4 人枱。而当日整个午餐时间, 佢有 30% 以上嘅枱系冇客嘅吉枱。
团购嘅目的系等同广告, 招徕新客, 本法如此对待 D 团购客, 佢地以后仲会唔会帮衬你呢？本法咁样搅呢个团购, 结果系 : 英文叫 defeating the purpose; 中文叫 弄巧反拙。无论中文定英文, 背后嘅意思都系 "白费工夫" 咁解啰!
今次食评嘅结论就系 :
a. 食品份量缩水兼且个汤货不对板 。
b. 本法嘅团购网照片, 靠唔住, 并冇参考价值。
c. 将团购客当作二等公民, 咁嘅做法系 defeating the purpose, 弄巧反拙, 真系白费工夫！
张贴