Black As Chocolate (已結業)

喺友人度听black as chocolate就听得多，今日系第一次食，首先喺舖头拣左边款蛋糕之后，店员就问你想要咩颜色嘅丝带去包装个蛋糕盒，其实只只色衬落黑色嘅蛋糕盒都好sharp好靓，小妹拣左紫色去衬返我嘅榛果朱古力蛋糕，紫色睇落好诱惑好神秘咁返到屋企一打开个盒，啲朱古力味涌晒出黎，个个闻到都流晒囗水， 问小妹食得未，梗系相机食先啦！呢个榛果朱古力先讲香味真系几吸引，蛋糕好挺身但咬落好松软唔会实的的，佢嘅朱古力味浓而不漏，面层有店员即场加落去嘅薄脆，外层由香浓嘅朱古力酱包围，每一层嘅蛋糕中间有朱古力酱同脆脆，食落松软嘅蛋糕再配合薄脆，囗感丰富，越食越想食，连唔好甜品嘅爸爸都食左件，black as chocolate嘅吸引力真大，不得不提！第二日食个蛋糕，啲薄脆仲系薄嘅，唔会变到稔咗，呢个值得一赞！