i CREMERiA Dolce Giapponese (已結業)

去开铜锣湾我都黎世贸呢间分店，座位唔多，得几张高枱高櫈，近电梯位有几张细枱，不过好开扬，行过路过都有人望到。 餐牌供应雪糕、芭菲、affogato，雪糕筒就$38-40，最贵嘅蜜瓜雪糕可以去到$220。呢间分店就唔似朗豪坊果间咁有蛋糕。Monbana香醇朱古力affogato $53北海道牛奶雪糕配法国热朱古力，店员先唧上雪糕然后倒入热朱古力，面头洒上少少脆脆，食过有啲系自己倒嘅，就另一种开心。雪糕都几大杯，倒入左热朱古力，底部雪糕迅速溶化。佢地家嘅雪糕本身都系溶得快。牛奶雪糕合格，唔觉得奶香特别出众，毕竟市面上都有好多浓度更高嘅牛奶雪糕。 雪糕质地软滑，冰感唔重，溶得较快。朱古力系法国品牌，可能因为加左牛奶雪糕，变左朱古力奶味，所以并冇特别浓郁。