影片
更多
2023-07-19
26 浏览
放工见到呢间舖头平日都坐爆人应该质素唔错，见仲有最后一张枱即管试试🤣成个环境灯光都好有feel ，日本居酒屋装修，有几枱都庆祝紧生日😂1. 芒果牛乳乳酸，芒果乌龙红茶第日要返工，冇饮到酒试咗两杯冇酒精饮品两个都系好啱夏天饮嘅芒果特饮，乳酸好清新开胃，好似食紧甜品咁啱女仔饮😛男仔唔钟意太甜可以饮芒果红茶，茶味比较出。见到玫瑰干花以为会有玫瑰味，不过饮咗就知其实佢系打卡用🤣2. 深海池鱼王簿切深海池鱼听落好劲即管试试🤣 鱼本身非常新鲜，薄切都食到肉质好肥美，酱汁配搭都好夹，叫做对得住价钱。男朋友本身唔钟意食刺身，食完一片之后同我争，每人得四片唔够喉😂3. 厚烧A5宫崎吉列和牛男朋友想食和牛所以叫咗个吉列牛试试，牛肉唔会太多油脂好腻，反而系重牛肉味𠮶种和牛👍🏻上菜𠮶阵会有块热铁板俾你烧下玩下，但系实测左每块牛正反面各烧十零秒都ok🤣佢有两种将一个系烧肉汁，一个系清新啲嘅汁；配料有葱、炸蒜，个人最钟意加大量葱一次摆入口4. 牛油甘薯食唔落饭谂住嗌其他淀粉顶下肚，佢比我想像中好食好多🤣佢同DONXX卖𠮶啲蕃薯一样超甜，个番薯皮仲要劲脆好似食紧厚啲既薯片口感，加埋牛油味非常之香，推荐。5. 鸡髀肉
成个环境灯光都好有feel ，日本居酒屋装修，有几枱都庆祝紧生日😂
1. 芒果牛乳乳酸，芒果乌龙红茶
第日要返工，冇饮到酒试咗两杯冇酒精饮品
两个都系好啱夏天饮嘅芒果特饮，乳酸好清新开胃，好似食紧甜品咁啱女仔饮😛男仔唔钟意太甜可以饮芒果红茶，茶味比较出。见到玫瑰干花以为会有玫瑰味，不过饮咗就知其实佢系打卡用🤣
2. 深海池鱼王簿切
深海池鱼听落好劲即管试试🤣 鱼本身非常新鲜，薄切都食到肉质好肥美，酱汁配搭都好夹，叫做对得住价钱。男朋友本身唔钟意食刺身，食完一片之后同我争，每人得四片唔够喉😂
3. 厚烧A5宫崎吉列和牛
男朋友想食和牛所以叫咗个吉列牛试试，牛肉唔会太多油脂好腻，反而系重牛肉味𠮶种和牛👍🏻上菜𠮶阵会有块热铁板俾你烧下玩下，但系实测左每块牛正反面各烧十零秒都ok🤣佢有两种将一个系烧肉汁，一个系清新啲嘅汁；配料有葱、炸蒜，个人最钟意加大量葱一次摆入口
4. 牛油甘薯
食唔落饭谂住嗌其他淀粉顶下肚，佢比我想像中好食好多🤣佢同DONXX卖𠮶啲蕃薯一样超甜，个番薯皮仲要劲脆好似食紧厚啲既薯片口感，加埋牛油味非常之香，推荐。
5. 鸡髀肉串烧
鸡肉多汁嫩滑，调味都好夹，有机会再试其他串烧～
下次再你试一人晚餐精选👍🏻👍🏻
张贴
