大苑子 (K11購物藝術館) (已結業)

今日尖沙咀K11 shopping，行得有少少攰就去左大苑子坐底嘆生果茶。大苑子係台灣嚟嘅果荼店，主打100%天然水果榨汁。今次order左台灣百香芒果新地，軟雪糕上有甜甜酸酸嘅百香果汁及濃濃芒果肉粒，味道好夾，配上軟雪糕食感覺一流。繽紛水果茶有不同時令水果喺入面，橙、芒果、小檸檬、熱情果、蘋果、菠蘿等等，好fresh好有生果味，而且加左金珍珠，份外好飲。仲點左莓好相遇，即士多啤梨milk smoothie，有濃濃牛奶味道加上甜甜士多啤梨汁，最緊要有多粒原粒士多啤梨可以拮嚟食，正！