八天堂 (已結業)

夜晚约咗朋友喺海港城食饭，见时间尚早，便到八天堂试一试佢地既忌廉包。话晒都系过江龙，对佢都有一定既期待。以为佢哋之后只系做外卖，点知原来都有堂食嘅选择，而且种类都算几丰富。店内和店外都有座位，好慷慨地欢迎帮衬主食同忌廉包既客人使用。我哋试咗个抺茶忌廉包，口感都唔错。面包声称用日本既材料制造，质地真系似面包，不过都几松软，干湿度岩岩好。而入面既抺茶忌廉虽然唔太多、茶味亦唔浓，不过真系好香好滑溜，奶味都浓而又唔太甜同肥腻，同个包好夹。总括来说，忌廉包既性价比真系唔错，下次黎试下佢地既主食先。