sensory ZERO (馬哥孛羅香港酒店)

营业中

休息中

BOOK左星期一晚上6点半，当时只有几枱客，大部分都系饮野吹水休息为主。即使到7点都好冷场，唔知系咪因为咁，先有半价优惠🤔。澳洲M5+和牛温泉蛋饭 $168我见食评唔少人都食呢个饭，加上自己都想食下牛丼。和牛切得比较厚，不过就细细块；入口暖暖地，有牛味、有肉汁、肉质亦柔软😋。温泉蛋可以加钱转日本蛋，但我无转到，不过蛋香偏弱。至于个汁就咸左少少，如果好似日式偏甜嘅酱汁会更好。香烧三黄鸡(半只)黑松露烧薯角 $178呢个卖相几靓仔，烧鸡髀同胸一早已经切开左，虽然呢个系贴心嘅做法，但亦系缺点之一。烧鸡食果阵好够热，但食得出已经放左一段时间，1嚟鸡皮唔脆，2嚟烧鸡已经干到无哂肉汁，再加上髀胸一早切开，令本应锁汁嘅髀位全无肉汁，胸位亦柴到不行…😣痴_线朱古力 跟餐加$25我之所以会拣呢间餐厅，系因为友人好中意食朱古力，而餐厅呢杯朱古力好评多多，所以特登嚟试。呢杯可可粉、朱古力碎满泻嘅脏脏朱古力打卡一流，味道比想像中好。本身仲担心会好甜，但饮落原来仲有少少苦，而且朱古力味浓😍。半价可以试。总体食物质素一般，斋饮野会比较好。折后原价加一共$224。