Food Oriental (已結業)

原来湾仔呢一度有一间食泰国嘢嘅餐厅，不过呢间餐厅主要系做外卖，地方比较浅窄。我同朋友叫咗几个外卖，有个下午茶餐好抵，＄38有一个迷你嘅海南鸡饭，再加小食拼盘同埋一支嘢饮。小食拼盘有四款嘢食，其中包括春卷、炸鸡翼、鱼饼等等。个海南鸡饭个大细，真系适合一啲已经食咗午饭嘅朋友仔，如果未食午饭嘅话就应该唔够饱啦。我另外两位朋友，因为未食午饭，就叫左一个海南鸡髀饭同埋海鲜喇沙。海鲜喇沙佢话个汤底几甜，而且唔系太辣，非常好。至于鸡髀饭啲鸡都几滑同几靓，睇得出用真材实料，啲饭黄黄地，同落咗少少姜葱同香茅，零舍入味。最后我哋每人叫咗一支嘢饮呢一支嘢饮有啲特别就系泰国嘅特饮嚟嘅，有不同嘅口味例如荔枝、蓝莓、柠檬等，不算太甜，但有能中和口中浓烈的味道，很不错！