漢城美食 (已結業)

今晚我们去咗旺角广华街嘅「汉城美食」食晚饭！我们叫咗参鸡汤、牛肉炒年糕、韩式石头饭、炒鸡肉饭、海鲜辣汤饭同什锦面！参鸡汤嘅汤底极之淡而无味，祇系比清水多啲啲味，完全唔觉有参味同鸡味，鸡肉嘅肉质非常「嚡」同实！牛肉炒年糕嘅年糕一啲都唔烟韧弹牙，牛肉嘅肉质比较老，酱汁嘅味道亦都系好淡！韩式石头饭嘅石锅唔系好够热，所以完全无饭焦，但材料都几丰富！炒鸡肉饭嘅鸡肉肉质唔系好嫩滑，而且比较实！海鲜辣汤饭嘅海鲜份量非常少，除咗睇到𠮶两只青口之外，就无乜其他海鲜，祇有大量椰菜！什锦面嘅面质好腍身，一啲都唔爽口弹牙，材料亦相当少！真系令我们觉得超级失望！