沾仔記 (兆英商業大廈)

营业中

休息中

今日又同同事食饭。因为同事话自己好手紧。于是我地就去左食沾仔记。😌一落到去完全唔使等，立即有位。👍餐厅装修比一般面店有诚意，全部四四方方嘅木制枱櫈。楼面大，难怪咁快就有位。👏一坐底就有人过黎问要食乜。讲真，餐牌都未睇完真有少少压力。😐叫左云吞鲮鱼球面。落左单5分钟都唔使就上菜。效率满分。💯双拼云吞鲮鱼球，分量多到见唔到啲面咁济。云吞啲虾好弹牙，有虾味🦐，皮薄。鲮鱼球劲大粒，🐟从来未食过咁大粒，都几弹牙。啲面呢，枧水味有啲重，不过落左淅醋之后就好左好多，软硬都适中。汤味浓郁。女仔刚刚好够饱嘅分量。今次盛惠三十几蚊，呢个质素黎讲坚系平😋😋，就系环境压力比较大，唔敢慢慢食，整个用餐过程唔超过半个钟，食完仲够时间去隔离买杯珍珠奶茶。下次月尾唔够钱嘅时候再黎啦，哈哈。