小食糖 (已結業)

星期六下午去到美丽华谂住揾嘢食，间间排队，见呢间装潢几特别又唔使等，而且以为牛肉面应该比较稳阵，于是就入去试吓啦。第一个惊喜系全部餐点七折。等咗差不多廿分钟，见到啲出品仲真系超级惊起。🙄所谓嘅清炖牛肉面，好似清水白烚牛肉面。红烧牛肉面便当，知唔知咩叫便当? 呢碗应该系老牛大碗饭？叫冻珍珠奶茶话冇珍珠，转「苟药」，谂住算啦，应该冇问题嘅，我收到时，只杯仲暖，见到真系唔多想饮。当我取餐时，佢地放低杯茶时倒泻到餐盘，但佢地竟然可以唔理，抹都唔抹就咁出餐。食食吓听到厨房「嘭」一声，应该系倒泻嘢，然后有人点餐，佢地竟然话今日冇食物供应了。。。星期六下午四点半就已经冇食物供应？？今日已经好肚饿，不过见到啲食物都唔多想食。其实系咪想 「本per」唔做？难得租到大商场开舖，点解唔努力啲做好佢？好少弹得咁紧要，不过真系唔好意思，佢地绝对需要检讨品质。