大滿足火鍋冰室

营业中

休息中

趁今日happy Friday , 梗系要收工之后要食餐好啦，今日收工朋友约咗我喺荃湾食饭，朋友介绍一间火锅餐厅，之前食过大推！我哋一坐低，食完好快为我哋介绍，餐牌上面有好多款式嘅锅物，由于太肚饿嘅关系，我哋决定食麻辣鸡煲。职员未拎上鸡煲之前，我哋喺自助区行咗一圈，好多唔同种类嘅丸类、菜类、仲有好少见嘅海鲜都有，包括有虾、鱿鱼、蚬！简直非常罕见！讲返鸡煲先，一上菜嘅时候非常香喷喷，而且鸡肉非常之多，啱晒我呢啲食肉兽。好快我同朋友已经清咗成个鸡煲，每一只鸡都好嫩滑。食完鸡煲之后，可以叫职员加汤，之后我哋就可以落返打边炉嘅食物，呢个餐送咗个特级牛版腱，一落汤即刻好快熟，食落去入口即溶。其他肉类方面，自助区都有得自己攞，有黑毛猪、手切牛仲有肥牛。其他配菜我都好满意，尤其是牛柏叶，非常爽口弹牙，海鲜亦都好新鲜，最钟意就系食蚬同埋蚝，煮得耐都唔会缩水。最后要讲下甜品，餐厅提供唔同味道嘅雪糕，就算几饱我都食咗两碗！整体嚟讲呢间餐厅会有下次。