PizzaZaZa (已結業)

今次黎到大坑觅食，朋友话听闻呢间几好，因为有啲夜既关系，我地怕再谂会冇野食，所以就谂都唔谂就冲左入去。夜食饭既好处，唔洗等位！哈哈哈哈！我地今次叫左是日精选既白酒煮蚬， 温泉蛋薯蓉， 意大利肠Pizza同埋香蒜辣椒蚬肉意粉。叫左野食冇耐，佢地拎左几只迷你杯仔过黎，入面有粒白色糖既物体，之后佢"针"左啲水落去。神奇既事就咁出现左，个粒糖慢慢向上升高，变左一条白色既柱。Waitress当时补左一句，呢个系湿纸巾，比我地抹手用的。哗~~~~~~好得意呀！我地玩完个纸巾之后appetizer好快就到 - 白酒煮蚬。虽然蚬就唔算太大只，但味道攞晒分，鲜甜好味。之后到温泉蛋薯蓉，呢个有啲特别，初初唔舍得捞混佢，哈哈哈哈。之后食落口，好滑，又唔会好生个种，感觉几好，只系略嫌佢份量少1啲。再黎有pizza，系意式薄批，香脆好味。出面依家有好多地方都因应香港人口味，将Pizza改到变做厚身啲，同原本既意式唔同左，呢度Pizza值得欣赏！最后就系意粉，味道好好，有少少辣味，香口惹味，只系佢个面质煮得比较硬，本人唔系太钟意。最后我叫左杯Cafe Mocha，虽然唔系话特别香或好味，但绝对系用心制作。总括黎讲