影片
更多
2014-12-28
1687 浏览
之前喺杂志睇过元朗名人邓达智对西关粥品嘅介绍, 但始终未有机会去试. 今日要入元朗富达广场嘅入境事务署攞passport, 终于可以嚟试喇. 我哋一家三口攞完passport就去揾呢间西关粥品嘅位置, 傻傻地兜了富达广场一个大圈, 终于揾到了. 但竟然未开门㖞, 原来系开12:00. 望下表仲有半个钟, 咁我哋惟有去千色广场行过圈再过嚟啦.我哋12:05过返嚟, 只系净返两张吉枱咋. 坐低就拿拿林叫咗两碗出名嘅粉仔$28.00同埋煎咸肉糭$30.00. 之后再加多碗西洋菜陈肾肉丸粥$33.00粉仔嘅汤底同平时食开嘅完全唔同, 系杰挞挞似粥嘅质地. 配料都好丰富有蛋丝、叉烧、冬菇、猪油渣、鲮鱼肉、金华火腿......百厌仔食得非常滋味, 添完一碗又一碗.煎咸肉糭一碟有六件, 咬落非常香脆, 同屋企自己煎系无得比. 糭身略嫌"削"咗啲, 实返些少会更美味.西洋菜陈肾肉丸粥-粥底够绵, 陈肾出奇地爽口(唔似煲完汤嘅死实)又够咸香, 配上青绿脆口西洋菜, 掂! 埋单$119.00
我哋一家三口攞完passport就去揾呢间西关粥品嘅位置, 傻傻地兜了富达广场一个大圈, 终于揾到了. 但竟然未开门㖞, 原来系开12:00. 望下表仲有半个钟, 咁我哋惟有去千色广场行过圈再过嚟啦.
我哋12:05过返嚟, 只系净返两张吉枱咋. 坐低就拿拿林叫咗两碗出名嘅粉仔$28.00同埋煎咸肉糭$30.00. 之后再加多碗西洋菜陈肾肉丸粥$33.00粉仔嘅汤底同平时食开嘅完全唔同, 系杰挞挞似粥嘅质地. 配料都好丰富有蛋丝、叉烧、冬菇、猪油渣、鲮鱼肉、金华火腿......百厌仔食得非常滋味, 添完一碗又一碗.
粉仔
$28
112 浏览
0 赞好
0 留言
煎咸肉糭
$30
150 浏览
1 赞好
0 留言
西洋菜陈肾肉丸粥
$33
195 浏览
1 赞好
0 留言
题外话/补充资料：
环境比较迫窄, 我哋坐最入嘅枱. 食完离开时见前路系背贴背, 都唔知点出去. 惟有打扰人起身让路.
(以上食记乃用户个人意见 , 并不代表OpenRice之观点。)
张贴
