竹地館

营业中

休息中

中秋节加𩠌，第一时间又谂到要黎竹地馆买番几味潮州野孝敬娘亲。除左价钱公道，环境都好企理，唔会油淋淋，后生员工主理的确唔同啲。潮州咸菜$15话明架己冷一定最想食咸菜，而其实个咸菜唔系咸，仲会系甜酸得宜，所以$15咁大盒都会转眼间食晒，极之开胃嘅小吃。潮式咸香鸡半只$55鸡肉嫩滑，只系咸香味唔算好够，不过当白切鸡咁食都无坏，价格上都无得输。韮菜猪红$38好耐无食到好食又惹味嘅韮菜猪红，处理得好嘅猪红无异味，韮菜都唔爽脆无渣，最重要系个辣汁好入味，唔死咸，送饭一流！白云凤爪$20无睇错，出面同样份量可能都要双倍价钱，只不过再垫底有生菜咁解，呢度实实在在有6-7只无骨凤爪，买黎送酒正呀！