西貢松記車仔麵

营业中

休息中

今日入西贡行下， 享受左柔和嘅春风， 美丽嘅大自然景色， 同狗狗玩咗一大轮之后， 有啲肚饿， 但又唔想食太丰富， 于是走去食车仔面，见到呢度人都几多， 以为应该唔会差得去边， 两个人都叫咗牛筋腩 ，我要河粉， honey要幼面， 又加咗萝卜 。因为人多嘅关系， 粉面都要等几耐先至送到， 店员都好好礼貌 ，话畀我哋听啲面要煮耐啲㗎 。等耐啲冇所谓，最紧要有得食。 两碗筋腩 河面先后送到 ，一食落去 ，啲牛腩好柴， 咬唔开。 牛筋就ok 。河粉味道正常， 幼面就唔好食， 碗汤味道偏甜好奇怪， 呢一餐最好食就系𠮶几嚿萝卜， 清香爽甜 ，但系主要嘅食物就强差人意， 所以呢一餐系唔合格。