影片
更多
2022-01-30
655 浏览
2022年1月18日 星期二最近听我妈讲柴湾好似新开左一间越南餐厅，难得有越南菜食当然要去试下啦，于是呢日晏昼就同我妈一齐去食lunch去到门口见到招牌都几光猛，目测客人都有唔少，好彩唔需要等太耐就可以入座餐牌都有好多选择，图文并茂，方便知道食物既模样，而且价钱唔算太贵，套餐转特饮都只系加$10，加多个小食或者菜都系廿几蚊左右，所以我哋每人要左一个套餐，再各加一个小食分享首先嚟到嘅系小食炸虾饼，上菜嘅时候仲系热辣辣，食落去外皮好香脆，而且虾味好浓郁，点埋泰式酸辣酱一齐食更加惹味之后我叫嘅综合牛肉汤河粉就嚟到，分别有牛丸、生牛肉同牛腩，每一啖都食到牛肉嘅味道，牛丸好弹牙而牛腩有咬口，唔算太多筋，汤底几清甜至于我妈就叫左三宝檬粉，有扎肉、香茅鸡翼同香茅猪扒，配料好丰富，鸡肉同猪扒食落去充满香茅嘅味道，煎得又够香，檬粉既份量都唔少，一个人争啲食唔晒，性价比都几高另外仲有马拉盏通菜，足够两个人食，每一条通菜都食到马拉盏，所以好够味，又唔会太过咸最后饮品每人叫咗一杯黑糖姜枣茶，真系落足料之余好够姜，可以驱寒又可以暖胃每人埋单岩岩好$100，已经食到劲饱，睇嚟下次可以再黎食！！
最近听我妈讲柴湾好似新开左一间越南餐厅，难得有越南菜食当然要去试下啦，于是呢日晏昼就同我妈一齐去食lunch
去到门口见到招牌都几光猛，目测客人都有唔少，好彩唔需要等太耐就可以入座
餐牌都有好多选择，图文并茂，方便知道食物既模样，而且价钱唔算太贵，套餐转特饮都只系加$10，加多个小食或者菜都系廿几蚊左右，所以我哋每人要左一个套餐，再各加一个小食分享
首先嚟到嘅系小食炸虾饼，上菜嘅时候仲系热辣辣，食落去外皮好香脆，而且虾味好浓郁，点埋泰式酸辣酱一齐食更加惹味
之后我叫嘅综合牛肉汤河粉就嚟到，分别有牛丸、生牛肉同牛腩，每一啖都食到牛肉嘅味道，牛丸好弹牙而牛腩有咬口，唔算太多筋，汤底几清甜
至于我妈就叫左三宝檬粉，有扎肉、香茅鸡翼同香茅猪扒，配料好丰富，鸡肉同猪扒食落去充满香茅嘅味道，煎得又够香，檬粉既份量都唔少，一个人争啲食唔晒，性价比都几高
另外仲有马拉盏通菜，足够两个人食，每一条通菜都食到马拉盏，所以好够味，又唔会太过咸
最后饮品每人叫咗一杯黑糖姜枣茶，真系落足料之余好够姜，可以驱寒又可以暖胃
每人埋单岩岩好$100，已经食到劲饱，睇嚟下次可以再黎食！！
张贴
