柴門西餐廳

营业中

休息中

住咗系度咁耐，都一直以为柴湾得连锁餐厅，无谂过原来系工厦都有啲咁高质既餐厅😍 妈咪听人话依度有西餐食，就叫我陪佢去叹下😋 上到去发现环境真系好靓，有好多画，我都几钟意餐厅有依一啲画，好有feel😝 佢仲有个live band stage，应该星期六日会有show睇😍妈咪一嚟就话想食羊架，因为好耐无食，而我就叫咗个牛扒，牛魔王又嚟啦😝落咗单无耐就嚟咗一set前菜。店员有讲个沙律系有机蘑菇同青柠汁，食落真系好fresh，真系可以开胃。而个餐汤就系芝士南瓜汤，佢除咗有好浓既南瓜味之外，有淡淡既芝士味。仲有一小块脆既面包，佢好有心思，食得岀系自己焗既。我好欣赏佢个牛扒，因为我叫咗3成熟，而煮师真系煮到岩岩好，所以肉质好嫩，岩晒我口味，配上牛肉汁，所以更加突出牛味。我试咗一旧羊架，妈咪同我都觉得一啲都吾膻，食羊最紧要系依样野。而且，妈咪叫咗7成熟啲肉质都吾会太硬。