sofi Coffee (已結業)

咖啡店系行偏暗气氛路线，播住背景音乐，坐位唔多，同隔离枱隔好远，好阔落舒服。二人坐位唔系面向对方，而系向住counter，而且有啲位嘅枱好细张，比较啱独食下午茶，倾计要斜少少坐，有啲唔舒服。坐近窗边门口光猛啲，影相好睇啲，坐入面会暗好多。*Latte (M) $40热度足够，咖啡豆香奶香差啲啲，奶泡细腻绵密，同咖啡混合得好均匀，质感很好。泰式香菜炒新猪肉刈包 $78刈包系烘热烘脆嘅馒头，面粉香又松软。今次系我第一次食新猪肉，非常meaty，焦香感十足，食唔出系全素。配料生菜新鲜爽脆，红葱头九层塔系泰式调味嘅必需品，酱汁香辣惹味。一啖食晒刈包同埋馅料，个包索晒啲汁之余，又唔油腻。自家制青酱椰菜花窝夫 $98窝夫应该系牛角包用窝夫机压成千层酥，少少油但非常酥脆，窝夫上面铺满细细朵嘅椰菜花，加埋自家制青酱，味道淡淡地，但冇草腥味，亦唔会有橄榄油嘅油腻感，加埋芝士焗到焦香拉丝，仲有风干蕃茄，酸甜又清新。