影片
更多
2017-12-31
3593 浏览
做冬屋企一定食中餐！呢间中菜一直都获好评，又喺我想去嘅餐厅wish list入面，咁啱见到有做团购，每位套餐八道菜只售$288(茶芥$12/位及加一另外收取)，所以买左同屋企人去食！餐厅座位阔落，上环属写字楼区，放工后一到晚饭时间真系唔多人，静静哋感觉舒服。大家都满心期待住上菜嘅一刻：* 前菜拼盘 (手拍青瓜，烟熏鹅肉卷，脆皮烧腩仔)前菜每一道都做到恰到好处，各有特色。* 鸡丝花胶羮汤底入味，每一啖都好浓郁。* 日本辽参扣柚皮柚皮确实非常出色，真系好入味，辽参虽然大条啖啖肉，但味道就相对较淡未系好入味。* 咕噜虾球大大只虾碌，咬落仲好爽口㗎！* 花雕醉鸽啖啖充满花雕酒嘅香，值得一赞* 上汤时蔬* 荷香糯米饭 其实食埋时蔬已经开始饱，再嚟个足料嘅糯米饭，里面又鸡又腊肠又多肉，真系好满足！* 芒果布甸甜品个样咪睇佢平平无奇，平时茶楼饮茶都有，但食落有惊喜，唔粉得嚟又够滑！好味过好多茶楼同糖水舖嘅芒果布甸！每一道菜虽然份量唔大，但食晒八道真系好饱。以团购嚟讲，以咁嘅价钱食到每一道菜都货真价实，有佢应有嘅水准，唔系马马虎虎嘅菜式，超值值得推介！
餐厅座位阔落，上环属写字楼区，放工后一到晚饭时间真系唔多人，静静哋感觉舒服。大家都满心期待住上菜嘅一刻：
* 前菜拼盘 (手拍青瓜，烟熏鹅肉卷，脆皮烧腩仔)
前菜每一道都做到恰到好处，各有特色。
* 鸡丝花胶羮
汤底入味，每一啖都好浓郁。
* 日本辽参扣柚皮
柚皮确实非常出色，真系好入味，辽参虽然大条啖啖肉，但味道就相对较淡未系好入味。
* 咕噜虾球
大大只虾碌，咬落仲好爽口㗎！
* 花雕醉鸽
啖啖充满花雕酒嘅香，值得一赞
* 上汤时蔬
* 荷香糯米饭
其实食埋时蔬已经开始饱，再嚟个足料嘅糯米饭，里面又鸡又腊肠又多肉，真系好满足！
* 芒果布甸
甜品个样咪睇佢平平无奇，平时茶楼饮茶都有，但食落有惊喜，唔粉得嚟又够滑！好味过好多茶楼同糖水舖嘅芒果布甸！
每一道菜虽然份量唔大，但食晒八道真系好饱。以团购嚟讲，以咁嘅价钱食到每一道菜都货真价实，有佢应有嘅水准，唔系马马虎虎嘅菜式，超值值得推介！
张贴
