棋哥燒鵝 (已結業)

有一段时间无得出去食晚饭，今晚放工决定系棋哥斩料返屋企加𩠌。棋哥的烧味一直都做得好出色，佢嘅烧鹅不嬲顶瓜瓜。今晚见到佢做紧双拼特价，见咁抵我就叫咗桶子油鸡同埋叉烧。半只桶子油鸡切得好靓，鸡皮充满油光非常靓仔。每一件都切得好分明，鸡件夹起唔会黐住另一旧。鸡肉食落好嫩，真心唔系讲笑，尢其鸡脾位置啲鸡真系又嫩又香滑，完全难以抵挡。至于叉烧，佢嘅叉烧肥瘦匀均，每旧都有小小肥肉，但只系占两成位置左右，所以咬落系啖啖肉。佢嘅叉烧 烧得好香甜，食落去又有阵咸香味，唔会一味得个甜。今晚呢餐加料真系加得值，趁住佢做紧外卖优惠，要叫多几次。