好吃吃光

营业中

休息中

终于去咗奥运站附近嘅好吃吃光，呢间小店一直都好多人推介 🤤 虽然餐厅喺大角咀，但唔难揾，由奥运站行过嚟都近！呢度地方唔系好大，但晚市时间经常爆满，不过就出餐速度快，唔驶等好耐。🛋️ 店舖装修走简约文青风，有高枱位可以望住街景！店内不停播住台湾歌，好多都系 #杨丞琳 嘅歌，好奇店长系咪特别钟意佢呢 😜 嚟到呢度梗系要试下佢嘅招牌 —— 蚵仔鲁肉饭 😍🦪 月见海老蚵仔鲑鱼虾卵鲁肉饭 ($118)，每粒蚵仔都肥嘟嘟，一啲都唔腥，中间有日本生鸡蛋。将鲁肉、饭、蛋黄、蟹籽、鲑鱼卵同虾搞匀一齐食，口感唔会好油腻，海鲜够鲜味。珍珠米饭份量都唔少，加埋酱汁 #好食 😋 除咗鲁肉饭，我哋仲叫多个药膳醉鸡卷饭套餐 ($65)，一份有成 6 大件鸡肉卷，肉质嫩滑弹牙，仲带有少少花雕香，药膳味唔太重，反而令成道菜更加有层次 👍🏻 呢个套餐会包埋一杯饮品同一碟前菜。豆芽爽口开胃，我再拣咗杯冬瓜仙草茶，清甜解渴，仙草口感够滑 #好饮！最后我哋再叫多个台式芋圆糖不甩 ($32) 🍡 有花生碎同芝麻两款，芋圆有四种口味：芋头、紫薯、番薯、绿茶，口感烟韧，绿茶口味特别突出。