梨滿園韓國料理 (已結業)

一系唔食，一系就要试新野，所以朋友话有新既韩烧餐厅，唔去唔得啦。平时去既韩烧，坐既地方会比较硬，而梨满园既座位都可以讲系舒服，而且当我坐系卡位个阵，面前既升降机上上落落，人出出入入，感觉好得意。酱猪手平时既我系唔食猪手，因为会有阵骚味。但系呢个猪手反而无骚味之余，再加上生菜同辣菜既配搭，感觉好新鲜，唔够喉仲可以加D酱。咬落去，先爽后软，跟住辣味会系慢慢从菜里面辣出来，令你成个人庆合合。济洲岛黑毛猪五花腩呢个系讲求视觉感受，当你烧个阵，睇住D肥油位由固体变成透明，跟住D油系周围流，个阵真系流口水。肉唔太多，但出奇既系肥既部位食落去唔觉得油腻，于是...我又食多左几块。烤猪柳开头都以为烤猪柳食落去好硬唔会断，偏偏呢个就相反。烤完，一咬，断左，呢个就无腌过既，所以可以自己加上油盐调味，但记得点小小够了，唔系就好似我咁之后系咁饮水。烤大虾一只只大虾训系烤炉上面，慢慢咁由生变熟，仲要系个炉之前有烤过五花腩同腌制过既牛肉。食落去，唔会松散，好有咬口，仲可以唔洗加酱油食都得，够味。总结来讲，舒服既环境，再加上咁多好味既野食，跟住我今晚之后就要减肥。不过，值得既，因为真心觉得好食！