梨花苑韓國料理 (已結業)

今日出左上环之后劲大雨，加上Shopping 完之后一袋二袋，所以都系揾间近地铁的餐厅就算。而梨花苑真系好近地铁站，而且个样又好正宗咁，所以就来左D间啦。餐厅的装潢比较旧式，好彩坐位阔落适服，环境都唔错。坐坐下突然上配菜，我同友人仲谂紧要唔要加钱，原来系免费送的，仲有八小碟咁多，款色齐全，当然最好食都系泡菜。石锅什锦饭 - 石锅什锦饭分量非常大，而且材料充足，食到既完全系韩国的味道啊。牛展汤 - 原来牛展汤仲有面线的，可惜面线放耐左有D淋，而牛展好有牛肉味，热腾腾的牛展汤鲜甜美味，简直系人间美食。另外晚餐仲会赠送水果同饮品，饮品可选柚子茶，姜荼，参茶等，加埋饮品真系冇得弹啊。整体而言，虽然价钱唔平，但分量都好多下，加上味道服务舒适度各方面都唔错，可以一试。