松記糖水店 (已結業)

早几日想食芋头西米露，屋企楼下无选择情况底下帮衬左间包罗万有的小食店。心里面虽然已经打底知道楼下唔会有味食，但食𠮶吓仲一样觉得中伏。点伏法？咪系西米还西米，芋头还芋头，两者完全无交流无融和，伏伏伏。算叻，小食店不能要求太多。今晚食完饭经过糖水舖，话晒有十间八间分店，心谂普通中式糖水呢啲基本嘢应该无甩拖。点知⋯ 伏伏伏 伏伏伏⋯ 直升机起飞喇！点伏法？屋村楼下包罗万有小食店就话无厨房，每样嘢都系来货加热买啫。你糖水舖嚟架，芋头西米露呢啲基本嘢你竟然都做得唔好？！西米同芋头根本无一齐煮过，芋头唔粉唔淋，又无芋泥，睇张相已经解释晒 —— 芋头起角架！依家食泡菜呀？有无煮过架？芋头煮过条边一定会糊化。唔好同我讲芋头唔当造呢啲藉口，作为一间糖水舖，来货唔靓应该就直头停卖呢样嘢。成碗嘢，西米还西米，芋头又唔淋，花奶还花奶，椰浆少到真系唔知有无落过。几样材料无融合一齐，有如车仔面㨂配料。咁整出嚟真系侮辱咗芋头西米露呢款菜式！希望集团老细好好反思一下。