楓樹圍 (已結業)

椒盐鲜鱿、琵琶豆腐同镇江骨系每次嚟食晏的必选小菜。鲜鱿永远喺快嚟快去，最快食晒。每次食，鱿鱼都系肥美，脆浆又够薄，唔会令人失望。只系每次嚟𠮶色都会有唔同，有时炸耐咗就深色啲，有时就美白多咗啲咁啦。琵琶豆腐大大件，送饭一流，一个人唔觉唔觉可以食到三、四件，呢种旧式大排档的琵琶豆腐做法，唔系咁易食到。镇江骨同豆腐一样大大件，不过大件过头，直接攞住嚟食会方便过用筷子，如果斩细件啲，方便食客好多好多，至少大人细路唔会咁狼狈架。骨同肉各占一半，咬开佢要用啲力。长者同细路仔要食，最就好剪碎啲肉先。食过炒通菜、金菇肥牛煲同蒜茸茄子蒸猪颈肉，都系唔够楼上三款出色。店员一眼关七，工作勤快。有多部电视机陪伴开饭。有啲位置的地面会比较湿滑，同长者嚟就要多加注意，记得帮佢带得一件小披肩喔。