極尚大喜屋 (銅鑼灣廣場一期)

营业中

休息中

纪念日去咗铜锣湾食日式放题，呢间胜在款式够多，定价亲民，而且地点超级方便。刺身、寿司、一品料理、炸物、烧物、串烧，仲可以无限畅饮清酒、烧酒同梅酒～ 想回本嘅一定会狂点刺身，食落几新鲜，而且无漏单情况，只怕大家食唔饱😂 见每枱都一大盘咁叫就声明有质素。寿司、火灸同手卷都值得一试，饭唔会好大，细细件可以食多几款。一品料理反而有惊喜，花雕醉鲍鱼、瑶柱扒豆苗、海参花胶、牛油芦笋炒脆肉鲩，唔讲唔知以为去咗酒楼～ 个人喜欢黄金软壳蟹同雪燕蛋白炖鲜奶，前者炸至酥脆，后者入口滑溜，赞。炸物、天妇罗同烧物就正常发挥，可能系即叫即整，所以需要等候一段时间，钟意食榴梿嘅呢度都有烧金枕头🔥 唔够饱嘅可以食埋煮物，推鲍鱼皇帝蟹黄粥同龙虾汤海鲜锅。自助区更有多款美食，由前菜到甜品，印象深刻嘅有芝士西兰花、红豆沙、杨枝甘露、珍珠奶茶、芝士蛋糕、自家制，值得留肚试。最后以雪糕作结，有häagen-dazs同其他品牌，算系咁。