北海拉麵屋 (已結業)

天妇罗,粉浆同港式煎酿三宝档口卖的炸蕃薯炸浆无分别。拉面,正常。服务:极差,非繁忙时间,不满坐时间也如此恶劣。要求点菜,极晦气。食品上枱，好大力咁放低,坦白说,大排档也不会这样粗鲁。埋单,本身间舖唔会出单放枱上俾客埋单,要个客起身,有侍应见到下才会印单出嚟。间舖一眼睇哂，我出去收银处埋单,谂住指俾佢睇边张枱,点知收银员好恶咁手指指叫我“你返埋去张枱坐返低”,我同朋友无奈地好似小学生被老师闹,步行返张枱期间,另一店员又怪责我哋擅离座位。我忍唔住要求店员留意下自己服务态度,她才收歛少少。之后印咗单,又系要我哋自己行返出去收银埋单。我埋完单,又听到收银员怪责另一枱客:依枱又系自己行出嚟,都唔知你哋坐边枱。自己内部唔检讨流程,仲要反过来骂客人,实在无谂过日本餐厅会咁。食到成肚气。