栢檔極品海南雞飯 (已結業)

依家饮食要健康啲，栢档极品海南鸡饭就标榜"无激素、无抗生素"，咁就要试下。海南鸡当然系必试，仲要叫咗肉饼，猪颈肉同埋小食，原来样样都好大份，3个人都食到好饱，唔怪之得有轻量版本。- 栢档极品海南鸡饭"无激素、无抗生素"鸡，食落得安心啲。鸡肉嫩滑，味道浓郁，无乜皮下脂肪。海南鸡必有既三色酱，样样都要点下，酸辣汁特别好食。油菜都系大大碟。- 香煎手刴鱼香肉饼饭底面都煎得好靓，金黄色，啱啱有少少焦香，但系肉质好松化，送饭一流。- 秘方卤烧猪颈肉饭烧得啱啱好，好香口，都有配三色酱。- 香麻辣凤爪- 麻辣猪耳仔两个小食都系小辣，好开胃，最啱share 食。- 皇牌无味精靓汤好足料，油腻添，虽然唔系贵价汤，但似阿妈煲既汤，最啱屋企冇时间煲既人。总而言之，样样都好足料，好大份，又健康，食海南鸡饭又多一个好地方。