影片
更多
2012-08-11
30 浏览
𠮶日我同朋友六点九去到，就满心欢喜咁叫咗三杯啤酒。点知转头就有个女侍应走过嚟，我哋当然问吓佢有咩好嘢食介绍啦。点知，佢一个唔小心就推跌我杯啤酒，搅到一枱都系酒同玻璃碎，我个身都湿埋！最最最令我震惊嘅就系，我新买嘅Samsung S3就系咁比啲啤酒整湿晒，个电话买咗六日咋！😰当时我真系呆咗，而家谂番，我真系好后悔点解我冇发癫嘈爆佢哋，仲要比个电话佢哋拎去厨房吹干。结果，𠮶晚我全程冇晒胃口！其实谂番，佢哋啲嘢食唔平㗎，三个人食咗九百蚊到！啲嘢食都Ok嘅，但我已经嬲到唔记得自己食咗啲咩！😡最令我不满嘅唔系间餐厅嘅食物质素，而系佢哋个老细嘅处事态度！第二日，因为个电话坏坏哋，所以我唯有打去揾佢哋赔偿，接洽我嘅杨经理好好人，好有耐性听我讲，帮我，但无奈地佢话佢冇办法赔偿，因为呢啲系公司政策！我之后再写信比佢哋嘅老细投诉，但佢完全当呢件事冇到！我真系唔明佢哋整坏我电话点解可以当冇咗件事，我有单有据系新买嘅，唔通我贪得意冇嘢做揾佢哋麻烦咩？唉。佢哋话唯一可以帮到我嘅方法，就系叫我比个电话佢哋拎去街边舖整(因为湿咗保养已经唔受)！有冇搅错？呢个都系解决方法？Anyway，我谂我冇可能再帮衬呢间餐厅，仲
点知转头就有个女侍应走过嚟，我哋当然问吓佢有咩好嘢食介绍啦。点知，佢一个唔小心就推跌我杯啤酒，搅到一枱都系酒同玻璃碎，我个身都湿埋！最最最令我震惊嘅就系，我新买嘅Samsung S3就系咁比啲啤酒整湿晒，个电话买咗六日咋！😰
当时我真系呆咗，而家谂番，我真系好后悔点解我冇发癫嘈爆佢哋，仲要比个电话佢哋拎去厨房吹干。结果，𠮶晚我全程冇晒胃口！
其实谂番，佢哋啲嘢食唔平㗎，三个人食咗九百蚊到！啲嘢食都Ok嘅，但我已经嬲到唔记得自己食咗啲咩！😡
最令我不满嘅唔系间餐厅嘅食物质素，而系佢哋个老细嘅处事态度！
第二日，因为个电话坏坏哋，所以我唯有打去揾佢哋赔偿，接洽我嘅杨经理好好人，好有耐性听我讲，帮我，但无奈地佢话佢冇办法赔偿，因为呢啲系公司政策！我之后再写信比佢哋嘅老细投诉，但佢完全当呢件事冇到！我真系唔明佢哋整坏我电话点解可以当冇咗件事，我有单有据系新买嘅，唔通我贪得意冇嘢做揾佢哋麻烦咩？唉。佢哋话唯一可以帮到我嘅方法，就系叫我比个电话佢哋拎去街边舖整(因为湿咗保养已经唔受)！有冇搅错？呢个都系解决方法？
Anyway，我谂我冇可能再帮衬呢间餐厅，仲要系当晚佢哋唔止打烂我杯酒，第二张枱都发生同样嘅事情！奇怪嘅系佢哋仲要有指引，叫我哋放个电话喺枱！咁点先？咁唔小心，但又不负责任！
张贴