忠記咖啡屋‧私房菜 (已結業)

新年放左几日假，一开工当然要约公司为食嘅同事们夜晚刷返餐啦，不过最可惜系我地为食四人组嘅组长仲放紧假未返，我地唯有三人行去品尝一下之前组长推介过铜锣湾渣甸街呢间忠记咖啡屋‧私房菜，再影D相俾佢睇下啦。😝虽然铜锣湾呢间忠记咖啡屋‧私房菜我系第一次黎，不过我地其实经常会去西湾河间忠记咖啡屋叹茄汤米做早餐。我地7点到，虽然未到晚市繁忙时间，不过客人已经好多，餐厅装修简约，座位宽敞，都坐得几舒服。😚菜单有好多页，小菜款式好多，当中我地觉得个二人套餐最抵食，有汤、小食、带子乌冬、两个小菜、糯米饭同埋甜品，$308唔驶加一。我地点左一个二人餐另外加左一客小菜，三个人应该好够食。今日嘅私房靓汤好有新年气氛，除左有意头好好嘅莲藕之外，仲有发菜，汤底味浓，几好味。餐前小食系陈年花雕醉鸭舌，酒味都几浓，鸭舌爽口入味，而且份量好多，我地三个人分都好够食。👍二人餐嘅北海道带子稻庭乌冬有两份，带子好鲜甜而且好大只，乌冬份量好多，口感弹牙，配上混有小小芥末嘅日式芝麻酱，非常惹味。😋跟餐小菜我地拣左香橙江南小排骨同野菌芥末安格斯牛柳粒，因为香橙缺货，转左用菠萝。小菜大大碟又够镬气，安格斯牛柳粒肉质软腍，排骨外脆内软