一盛極牛 (已結業)

餐厅宽阔， 座位充足， 好适合同朋友谈天说地， 仲有bar枱可以拣， 墙上挂咗日剧海报，播放著轻松音乐， 好Relax! 餐牌非常简单， 有三张order 纸， 包括有牛肉丼、极牛拉面同白牛拉面。 Order 纸可以根据自己喜好拣配料，面嘅硬度同葱花数量等等， 仲可以拣刺身或者火炙添， 非常有弹性。 我叫咗《极牛拉面》， 刺身牛同火炙牛肉各半， 2 份牛肉，份量刚刚好， 仲加咗半只溏心蛋，yummy ! 牛肉系用咗熊本和牛，刺身入口即溶， 非常嫩滑， 而火炙牛肉嘅肉味非常浓， 油脂丰富， 非常惹味。 而白牛拉面嘅汤底是由牛骨熬制， 加上白松露做成的， 牛味当然非常浓郁，白松露嘅香味令到牛骨汤嘅味道好夹。 我哋都拣咗普通硬度嘅拉面，拉面富有弹性， 烟烟韧靱， 十分爽口弹牙， 拉面挂上汤汁， 口感丰富，非常好味！ 大家一定要加溏心蛋， 因为非常软滑，仲有半生熟嘅蛋黄，味道好正，真系食唔停口呀！