影片
更多
2023-07-13
1258 浏览
「长文，慎睇，我真系第一次为咗面包写咁长嘅嘢，因为太难食太失望太少馅，仲要收咁贵」见到OpenRice出咗啲文章讲呢篇嘢，咁就特登去试吓啦，点知真系失望到爆！由于唔想影响品质嘅关系，我哋系买完立即3分钟之内喺车入面食！但都系极差！！！我买咗9个包，二百几蚊，平均$2 x-$30/个包，暂时食咗4个都系难食嘅，另外5个咬咗一啖都觉得差！简直系浪费我个胃！1. 首先系啲奶冻包布甸包类别， 20几蚊一个，的确难食，首先一个系布甸包，好恐怖，上面㶶晒，我食入口每一啖都系苦涩味，好㶶嘅感觉，完全唔系焦香味，系㶶晒，唔好同我讲系焦香味⋯正常个脑有思想都知道唔系⋯⋯🤢🤢🤢🤢难食到四个人都食唔晒，剩返掉咗佢！2. 唔知系咪奶冻包，总之有个奶字嘅冻包，但我好肯定冇奶香味，食入口都唔知食紧乜，净系知道好滞，极甜，好难食，只系一劈好甜嘅嘢，完全冇奶香味，唔知乜嚟，我哋食完之后都O嘴⋯⋯🤮🤮🤮🤮四个人都食唔晒，剩返都唔想食，掉咗佢！3. 黑松露奶酪bagel（类似咁嘅名称），里面啲馅少到等同没有⋯一边咬，一边失望⋯⋯咬开第一啖，白面包嚟嘅⋯又唔系bagel嘅口感，又冇面包嘅香味，究竟似乜呢？第二啖⋯终于都有馅
见到OpenRice出咗啲文章讲呢篇嘢，咁就特登去试吓啦，点知真系失望到爆！由于唔想影响品质嘅关系，我哋系买完立即3分钟之内喺车入面食！但都系极差！！！
我买咗9个包，二百几蚊，平均$2 x-$30/个包，暂时食咗4个都系难食嘅，另外5个咬咗一啖都觉得差！简直系浪费我个胃！
1. 首先系啲奶冻包布甸包类别， 20几蚊一个，的确难食，首先一个系布甸包，好恐怖，上面㶶晒，我食入口每一啖都系苦涩味，好㶶嘅感觉，完全唔系焦香味，系㶶晒，唔好同我讲系焦香味⋯正常个脑有思想都知道唔系⋯⋯🤢🤢🤢🤢难食到四个人都食唔晒，剩返掉咗佢！
2. 唔知系咪奶冻包，总之有个奶字嘅冻包，但我好肯定冇奶香味，食入口都唔知食紧乜，净系知道好滞，极甜，好难食，只系一劈好甜嘅嘢，完全冇奶香味，唔知乜嚟，我哋食完之后都O嘴⋯⋯🤮🤮🤮🤮四个人都食唔晒，剩返都唔想食，掉咗佢！
3. 黑松露奶酪bagel（类似咁嘅名称），里面啲馅少到等同没有⋯一边咬，一边失望⋯⋯咬开第一啖，白面包嚟嘅⋯又唔系bagel嘅口感，又冇面包嘅香味，究竟似乜呢？第二啖⋯终于都有馅料嘅位置，不过少到咁，我吓亲，因此决定打开成个包，原来真系冇馅料嘅⋯⋯⋯唉，咁就咪鬼话自己系好多馅嘅包啦⋯仲收呢个价钱⋯唉⋯😫😫😫😫
4. 绿茶红豆麻糬肉松包（类似咁嘅名称啦）$27半个，呢个算系最平最抵食𠮶个啦。不过绿茶味假到爆炸，就系烘焙店最假𠮶种绿茶，啲绿色出奇地超级绿，极之唔天然！红豆唔算多，不过肉松就多到爆，好干好干，食每一啖都好似会哽亲嘅感觉⋯⋯我同几位朋友真心唔钟意😭😭☹️☹️☹️
总括而言：雷声大雨点小，讲到几多馅料，其实只系价钱贵，实际难食⋯咁少馅料嘅包都可以攞出嚟卖到20几蚊一个，都唔知点讲好⋯ Bagle根本个口感错晒，
同隔篱街$5个𠮶啲面包冇分别，我甚至够胆讲$5𠮶啲仲好食⋯⋯🥺🥺🥺😰😰😭😭😭
（刚刚请另一位朋友再食，佢话好难食，绝对唔系bagel，食落觉得面粉渣，唔香，口感松散，粉散感！）
如果收得呢个价钱咁贵，我地同行4人就够胆评分系地狱级难食！啲冇主见嘅人，或者呃like嘅人，可能影完张相会夹硬话好食既😌
都唔明点解香港人近排就系睇IG睇文章就会去课金食啲咁难食嘅嘢⋯我自己都衰咗喺呢样嘢手上⋯⋯今次当买咗个教训，以后唔好再嚟呢间咁嘅嘢⋯⋯⋯
其实讲真，点解香港唔可以做到好似日本咁呢？收得贵嘅价钱就做返啲好嘢出来。得个样，打开全部系垃圾（我哋几个个人认为），点得㗎⋯⋯
究竟而家香港人系咪人哋塞咩入去个口都要接受话系好嘢先？
可能有人会话其他包好食，但我今日买咗九个，全部都系伏嘅⋯⋯
唔通系今日我抽中咗呢九个都系难食？机率咁高？定系质素唔平均？咁啱我哋几个抽到都系咁难食？
一味唱好，其实就系差差差！
张贴
