影片
更多
2024-03-25
281 浏览
呢间餐厅真系神奇嘅存在，我印象中疫情之前食过一次，估唔到经历疫情之后，饮食业叫苦连天之际，佢仍然屹立不倒，当日我去食嘅时候，餐厅都keep住有客。我个人认为呢个就系认清市场定位嘅好示范，餐厅主打嘅就系一个性价比，晚市200蚊有找全包，有晒烧肉、刺身、寿司、点心、热盘、一人火锅、内地好兴嘅冰粉、啤酒烧酒任饮。我都可以话除咗呢间，都好难揾到另一间做到咁（韩X烧都系，不过听闻好似系同一个老板，哈哈）。烧肉主要都系腌制冻肉为主，但款式唔少，任攞唔嬲，刺身竟然有赤虾，虽然每次限量攞，但人唔多嘅时候可以问服务员一次过攞多只。味道方面对得住价钱，基本上都几似去BBQ场咁，个分别只系呢度用铁板煎香而BBQ场系用火烧，刺身就个人推荐赤虾，都几大只有虾味。多款啤酒任饮，如果想放工啤啤佢嘅，又同时想食下肉医肚，讲真呢度都可以考虑。总结都系𠮶句，餐厅定位好鲜明，呢度唔系主打食到有几premium，而系主打包罗万有，一次过满足晒全部需要，饮下啤酒烧下野食又唔洗担心价钱嘅好地方。
我个人认为呢个就系认清市场定位嘅好示范，餐厅主打嘅就系一个性价比，晚市200蚊有找全包，有晒烧肉、刺身、寿司、点心、热盘、一人火锅、内地好兴嘅冰粉、啤酒烧酒任饮。我都可以话除咗呢间，都好难揾到另一间做到咁（韩X烧都系，不过听闻好似系同一个老板，哈哈）。
烧肉主要都系腌制冻肉为主，但款式唔少，任攞唔嬲，刺身竟然有赤虾，虽然每次限量攞，但人唔多嘅时候可以问服务员一次过攞多只。
味道方面对得住价钱，基本上都几似去BBQ场咁，个分别只系呢度用铁板煎香而BBQ场系用火烧，刺身就个人推荐赤虾，都几大只有虾味。
多款啤酒任饮，如果想放工啤啤佢嘅，又同时想食下肉医肚，讲真呢度都可以考虑。
总结都系𠮶句，餐厅定位好鲜明，呢度唔系主打食到有几premium，而系主打包罗万有，一次过满足晒全部需要，饮下啤酒烧下野食又唔洗担心价钱嘅好地方。
张贴
