甜入心 (淘大商場) (已結業)

第一次食呢間中式甜品店，通常我都係食西式甜品，如朱古力、蛋糕、曲奇、雪糕比較多，中式甜品真係好少食，不過呢間幾多好評，都吸引左我，今日咁岩經過，又好想食下榴槤相關嘅甜品，就去試吓佢有咩特色美食啦。難得嚟到，當然選佢最受歡迎嘅榴槤飄香椰皇子，榴槤蓉及雪糕好好味，榴槤味好濃郁，同淡奶，及底下的啫喱味道都非常夾，仲可以食埋椰殼裏面啲果肉，食完成個人真係透心涼，鍾意食榴槤嘅朋友唔好錯過，一個甜品大概$50 ，會比普通甜品店嘅貴少少，但都值得嘅。