老樹旗艦店 (已結業)

明明头先食完铁板烧话劲饱，我地行左阵庙街，谂住去坐小巴，见到老树，劲想食雪糕啰 !! 最后就梗系失手啦 ~~ 我地仲买左两件挞上楼坐慢慢食，突然觉得自己好黑洞 !! 榴梿既味道都真系好难忍架 ~~~唔知系咪夜呢，冇咩人，我地几次行过都好多人 !! 今日岩岩好 ~ 又唔驶等位同排队 !! 点完餐就上楼，沿楼梯好似去左森林咁，好意思，不停听到有雀声。雅座好舒服，有水俾你饮下，都系一个好好 HEA 既地方 !!哗 !!! 个猫山王软雪糕放左入口都真系哗出黎，好好好好味呀 !!!! 劲香浓，其实食唔出有牛奶味，好似只系猫山王咁，但当然我冇咁天真啦 ... 系榴梿味道强劲盖哂啫 !! 哈哈 ~~ 但坚正 !! 呢个见到都有都真系唔好错过，本来我谂住买佢一杯杯既雪糕，但店员推介软雪糕，果然冇介绍错 !我仲叫左个 芒果榴星树 同埋 芝士挞，哗 ~~ 个芝士挞又真系大爱，入面都好多果蓉 !! 芝士味又唔会俾个榴梿盖住，呢个暖暖地 !! 唔错呀 ~~ 但芒果榴星树就食唔到芒果味，但值得一选系佢地个挞皮同埋入面个蛋糕做得好好，蛋糕蛋味浓，一路食都有蛋香。个挞皮唔会散哂，牛油味够 !! 唔错 ~~