影片
更多
2022-07-03
1511 浏览
这是榴梿飘香星马泰下午茶，价钱唔平但我觉得系值回票价嘅一餐。想逐层分享俾大家 佢先嚟每人一个椰子榴梿炖汤 炖汤一定唔系味精汤 食到有榴莲茸 红枣 椰子块 望到都觉得系滋补系列 不过唔系好有榴梿味 纯粹就系一碗滋补靓汤而已 我见佢去到尾声都有摆咗十零盅俾人任拎 应该系剩咗唔好浪费吧 饮完汤 我就拎咗雪糕 要介绍返 佢有两款榴梿雪糕选择 一款系人手「毕」俾你附搭新鲜榴梿茸嘅自家制混合 一款系你自己喺软雪糕机挤出嚟 前者好味到震 超级浓郁嘅榴梿味 系嗅觉同味蕾都享受到嘅膨湃感 好味到震 我一个都食咗六杯 每杯一球咁嘅份量啦 就系咁都已经抵返哂 至于后者 除非你个人好钟意冰感 好似雪芭𠮶啲口感 否则就会觉得前者同后者系差天共地 因为冰感盖过了榴梿感 味蕾享受唔到浓郁嘅榴梿味。仲有一个主打雪糕 系Godiva 嘅黑或白雪糕 都系任你拎 系喺软雪糕机度挤出嚟 你平时出去一杯都五十蚊 你食两杯都赚返一百啦 到正餐啦 佢上完个汤就会派个下午茶架俾大家 样貌精致 味道整体都好逐样嚟 先系顶层嘅加勒比海野生龙虾尾 好正 超级新鲜同弹牙 我嫌唔够喉因为唔系好大只 一个女仔细拳头咁 隔离就系麦皮软壳虾 系连虾
想逐层分享俾大家 佢先嚟每人一个椰子榴梿炖汤 炖汤一定唔系味精汤 食到有榴莲茸 红枣 椰子块 望到都觉得系滋补系列 不过唔系好有榴梿味 纯粹就系一碗滋补靓汤而已 我见佢去到尾声都有摆咗十零盅俾人任拎 应该系剩咗唔好浪费吧
饮完汤 我就拎咗雪糕 要介绍返 佢有两款榴梿雪糕选择 一款系人手「毕」俾你附搭新鲜榴梿茸嘅自家制混合 一款系你自己喺软雪糕机挤出嚟
前者好味到震 超级浓郁嘅榴梿味 系嗅觉同味蕾都享受到嘅膨湃感 好味到震 我一个都食咗六杯 每杯一球咁嘅份量啦 就系咁都已经抵返哂
至于后者 除非你个人好钟意冰感 好似雪芭𠮶啲口感 否则就会觉得前者同后者系差天共地 因为冰感盖过了榴梿感 味蕾享受唔到浓郁嘅榴梿味。
仲有一个主打雪糕 系Godiva 嘅黑或白雪糕 都系任你拎 系喺软雪糕机度挤出嚟 你平时出去一杯都五十蚊 你食两杯都赚返一百啦
到正餐啦 佢上完个汤就会派个下午茶架俾大家 样貌精致 味道整体都好
逐样嚟 先系顶层嘅加勒比海野生龙虾尾 好正 超级新鲜同弹牙 我嫌唔够喉因为唔系好大只 一个女仔细拳头咁 隔离就系麦皮软壳虾 系连虾壳都可以咀嚼后吞落肚 依个都好出色 虾系入味嘅 表皮脆卜卜 虾肉同样新鲜弹牙 不过又系嫌佢太细啦
嚟到第二层 系泰式香辣熟虾杯 味系好清新不过唔食辣嘅朋友要小心 因为佢嘅辣道都好重手 我平时食开谭仔大辣都觉得有啲辣 同枱唔食辣嘅朋友话要喷火即刻要食返雪糕中和返 沙律菜同假都系新鲜无得弹
至于个泰式蟹肉鱼饼配三文鱼子 个鱼饼食到系有鱼味 系平时泰式拼盘嘅鱼饼味 多咗啲三文鱼子叫珍贵点吧 其实喱个嘅蟹肉味唔系好出 唔算好特别
不过要我数 我最不喜欢𠮶个用叶包住嘅炭烧马来西亚乌达鱼肉啦 因为只味同卖相实在不太讨好 颜色系橙色 我咬落去只觉得有啲辣同泰式香草味 鱼肉唔系弹牙系滑身咁嘅质感 可能系我唔钟意喱个味道同质感啦
到底层嘅甜品层 其实佢只有两款甜品 一款系榴梿班兰蝶豆花糯米饭 个样靓到好梦幻 因为取蝶豆花嘅颜色整到一个四方体 咬入有榴梿茸 榴梿同糯米饭根本系天生一对啦 榴梿又香 茸亦够多 唔会觉得只剩返糯米饭孤人独憔悴
至于个榴梿椰子蝶豆花西米杯 依个就味道较清淡 佢哋都夹嘅 不过就系嫌佢唔够浓烈呀
最后俾三旧真榴梿大家 点分 有朱古力牌系猫山王 有金萡系红虾 咩都无系黄金榴梿 相信佢都系即开即上枱 味道系点 大家会有唔同感觉吧 我自己个人最喜欢反而系黄金榴梿 因为比较似我钟意喺街市超市食开嘅金枕头同大钉嘅味 红虾反而我觉得系最无味 猫山王 钟意嘅人应该钟意佢有㖊酒香气吧
总括而言 我绝对推介大家去试下依个下午茶 只要你食到几杯雪糕 已经觉得好抵况且其他食品亦都系中上等级的美食。
椰子榴梿炖汤
26 浏览
0 赞好
0 留言
D197&D24榴梿混合雪糕
22 浏览
0 赞好
0 留言
榴梿飘香
34 浏览
0 赞好
0 留言
龙虾尾及麦皮虾
31 浏览
0 赞好
0 留言
三文鱼子鱼饼及熟虾杯及炭烧鱼肉
22 浏览
0 赞好
0 留言
榴梿甜品
78 浏览
1 赞好
0 留言
张贴
