一樂日本料理 (已結業)

一乐既食评一向都好好，我个人认为现代食评除左评论食物质素，某部份肯尝试采用智能系统既餐厅都应该包括其中及额外嘉许。一乐嘅落单方法就系采用wechat既QR code扫描枱号再点单，无需平板电脑。其实大陆好多餐厅都经已采用，只系我哋香港走后左一大步，好嘅概念系应该向人哋吸取。试谂下服务员唔需要忙着点单又入单，只需要忙着服务大家上菜，不断提供食物，保持枱面地方清洁，令到客人坐得舒适都系好重要。一乐依方面真系值得一赞👍🏻地方舒适宽阔，又干净；比起其他放题餐厅，有阵时卫生方面真系有啲马夫。相片上嘅依位服务员，不断留意橙汁机是否提供足够橙汁给客人享用另外还给予客人提供大量饮料选择😍仲有独立蚝吧，生蚝新鲜😋虽然只系一间放题，但系寿司嘅外型都做得好精致同有层次😚咸蛋软壳蟹亦系第一次系放题歺单上见，上枱时亦是热辣辣🤤可见设计食物歺单都系有花心思😊总结系一间用心去经营嘅餐厅大家都不妨去试下😊