Little Fresh Cafe & Bar

营业中

休息中

旺角有好多楼上Cafe , 呢间都算几难揾，𠮶个大厦入口喺个巷仔入面。 见呢间有好多好评，于是过嚟食个lunch叫咗个烟熏鸡扒配薯菜 今日嘅餐汤系西兰花汤，配埋牛油多士片。 会即场喺你面前，点着个烟熏机。 个侍应话，佢哋会烟熏个鸡扒2分钟。唔单止令到个鸡扒，仲会令到啲菜，同埋薯条有烟熏味。个鸡扒好嫩滑，好Juicy，唔会好干。就好似侍应讲，真系好有烟熏味。 佢嘅薯条仲会有啲调味粉喺上面，应该系红椒味，薯条炸得好脆身，唔油腻。 啲嘢食好好食，但可能因为个位置好隐蔽，今日嚟嘅时候都唔系坐满。 我觉得可以摆啲指示，教人哋点样嚟。