尚鮮海鮮料理

营业中

休息中

今日想去打边炉 去咗呢间楼上火锅"尚鲜"我哋叫咗个汤底系 姬松茸冬瓜汤， 食之前真系要饮番碗汤先，好香姬松茸味好好饮😋我哋 两个人叫咗黑豚肉片， 鲜炸脆响铃， 佢哋个响铃真系师傅新鲜炸起，唔系喺出面现成买一盒盒𠮶啲， 嚟𠮶阵时系热辣辣脆卜卜，好正👍 圣子皇 好大只好新鲜弹牙。师傅啲刀工真系好好， 可以将 脆鲩鱼片和花之片 切得好薄， 渌一渌就食得，起初朋友都担心花枝片会好韧，原来一啲都唔韧， 好爽 👍。猪肉丸同墨鱼丸， 啲丸系佢哋自己新鲜手打，都唔系现成买返嚟。 最后叫埋个刀削面和菜心，个面同埋已经吸收所有精华嘅汤一齐食好好味，菜心好翠绿🥬🥦仲有使唔使插得咁整齐呀😲🤗其实样样都好新鲜， 唔怪之得叫尚鲜， 下次都系要叫多啲人一齐打边炉先可以叫多啲嘢。