甜聚雪花冰甜品屋

营业中

休息中

琴日落左一整天黄雨，今日天气阴阴凉凉但停左雨，便同朋友出街行下。到左花园街买左盆香草，见时间尚早未够钟食晚饭，就去左甜品舖。先望了隔离的松x，唔太吸引就到了甜聚😆甜聚外观有点老旧，甜品款式也是传统型。朋友话帮衬小店点都有惊喜过连锁店，又啱㖞，一于试下佢。⭐雪糕榴莲奶冻先来的榴莲奶冻，外观简洁，就是榴莲奶冻上放了榴莲雪糕。入口有惊喜，奶冻香滑散发著淡淡榴莲味，劲好食㖞😍⭐海燕椰皇榴莲冻作为一个榴莲同椰皇控，二话不说就拣呢样🤤睇餐牌已经好吸引，上到枱更甚，好香榴莲味呀。榴莲肉劲正，下层的椰子水清润，仲有甜甜地嘅椰果粒同爽口的海燕，海燕吸左椰子水咬落爆汁，成个椰皇甜品都劲好食😍⭐芒果班㦸仲有芒果班㦸，烟韧的班㦸皮包著香甜芒果肉，仲有劲多忌廉，朋友话食得好满足，佢至爱忌廉🤭⭐心太软最后系心太软，即叫即焗热辣辣，虽然唔爆浆但都好流心呀，朱古力味极浓，微甜唔腻，旁边仲有云呢拿雪糕，又系劲好食㖞🤤卖相虽然唔算系吸睛打卡类型，但味道真系无敌，全部都系劲好食！实力派甜品店😆唔怪得不断有食客入黎啦，好受欢迎㖞。