影片
更多
2014-02-19
107 浏览
晌铜锣湾开平道1号Cubus食厦内嘅食肆，都并非一般嘅餐厅，大部份都喺中高档次，闲闲地落楼都要四、五百，但质素较有保证嘅餐厅。今晚嚟到6/F嘅Okinawa Dining BRIDGES，唔单止卖嘅喺日本菜，更喺较少有嘅冲绳料理。由于餐厅独占整层，所以一打开䢂门，一切和风装修、特色摆设都映出眼帘 。整间餐厅分开几部份用餐区，包括围绕正中央开放式厨房嘅吧位，边食边欣赏厨师嘅手势，最适合点「厨师发办」（Omakase）时跟厨师交流；此外，开放式厨房对开喺一排靠窗嘅4人或6人枱，亦都舒适开扬 ，而餐厅另一边尾，亦有多张4人枱，骚扰度会仲少啲；如果想私隐度高啲，半开放嘅个室，甚至榻榻米个室就最啱嘞。由于大部份装潢均以木材建构为主，配以适切嘅灯光，加上环境寛敞，而且，晌度食饭都喺斯文客居多，所以，让人感到份外幽静舒适 ！ 前菜三点 $70喺为每个光顾嘅客人所作嘅「开场白」，3款餐前小吃做得小巧的骰，更喺不定期转款，可谓次次有惊喜。由左至右分别喺豚肉露笋卷配青瓜、脆米炸虾、虾胶鹌鹑蛋。露笋咬落仲喺好清爽，令到啲豚肉一啲都唔腻 ；炸虾本身无问题，不过作为一道小冷盘，摊冻嘅脆米一啲都唔脆卜卜
整间餐厅分开几部份用餐区，包括围绕正中央开放式厨房嘅吧位，边食边欣赏厨师嘅手势，最适合点「厨师发办」（Omakase）时跟厨师交流；此外，开放式厨房对开喺一排靠窗嘅4人或6人枱，亦都舒适开扬 ，而餐厅另一边尾，亦有多张4人枱，骚扰度会仲少啲；如果想私隐度高啲，半开放嘅个室，甚至榻榻米个室就最啱嘞。由于大部份装潢均以木材建构为主，配以适切嘅灯光，加上环境寛敞，而且，晌度食饭都喺斯文客居多，所以，让人感到份外幽静舒适 ！
前菜三点 $70喺为每个光顾嘅客人所作嘅「开场白」，3款餐前小吃做得小巧的骰，更喺不定期转款，可谓次次有惊喜。由左至右分别喺豚肉露笋卷配青瓜、脆米炸虾、虾胶鹌鹑蛋。露笋咬落仲喺好清爽，令到啲豚肉一啲都唔腻 ；炸虾本身无问题，不过作为一道小冷盘，摊冻嘅脆米一啲都唔脆卜卜，有种韧劲，唔多好食 ；而虾胶包住鹌鹑蛋，有啲心思㖞，入口虾胶爽弹，鹌鹑蛋又粉甜，我都几钟意 。
虽话餐厅主打冲绳料理，其实翻翻餐牌，不难发现选择不少，包括刺身、寿司 / 卷物、前菜 / 沙律、汤、煮物、烧物、扬物、饭面、清汤火锅、日式寿喜火锅、甜品。当然冲绳料理所占嘅比重一定唔少啦，足有两大版共十多款菜式，而且，以上类别亦有部份菜式加入冲绳食材元素，如冲绳苦瓜、冲绳AGU猪、冲绳本部和牛、冲绳冰叶……等等，所以，冲绳菜式又岂止十多款呢！此外，冲绳黑毛和牛亦喺近年来重点推广之一。
菠萝牛油果软壳蟹沙律 $130 唔使多讲，实推介嘅沙律，因为菠萝、牛油果、软壳蟹都喺心水喜爱嘅食材 ，况且，用料不赖嘅话，好难会做得差。菠萝用上新鲜货，牛油果又够熟，加埋软壳蟹、青瓜丝，轻怡嘅沙律酱，体现简单就是美！
寿司（左口、赤身、油甘鱼腩） $150 虽然唔喺以卖寿司为主，但寿司出品一样有水准。饭粒松软而捏得实净，唔会一夹就散开，而且，无论寿司饭，抑或鱼生，呎吋、厚度刚好，一啖一件 ；再者，寿司饭及鱼生之间，已加咗日式芥末，轻轻蘸点酱油就可以喇。3款鱼生都鲜味无穷，特别钟意油甘鱼腩，肥美丰腴，正 ！
厨师推介刺身五点 $1,100（时价） 刺身类别，除咗散点，仲有特选五点、七点、九点刺身拼盘，即喺包含5、7、9款嘅刺身拼盘，如果唔介要再贵一啲，嚟一份「厨师推介刺身五点」又如何？晌吧位前有块小黑板，写住当日推介时令靓鱼，是晚就有左口鱼、金目鲷、深海池鱼、牡丹虾。
我哋份刺身拼盘一上枱，卖相就叫人睇得悦目，厨师所推介嘅五点刺身，由12点位顺时针数，就喺拖罗、金目鲷、牡丹虾、北寄贝及深海池鱼，中心位仲有啲日本海带，各款刺身色泽亮丽，可谓闪耀登场 。说实话，食刺身唔算喺小弟嘅专长，但入口刺身嘅新鲜度毋庸置疑，而且，当中粉嫩嘅拖罗质感细致，大大件嘅牡丹虾清甜鲜爽，味道独特嘅深海池鱼脂肪平均，确喺水准上乘 ，等价交换就喺要奉上千两。
冲绳美之岛珍味石烧 $380 石板都不特止，加埋火热嘅卵石，果真热力逼人，而且整道菜都好重下，真喺佩服位男侍应可以单手提起放下。石板有猪手、鸡肾、维也纳肠，，再配上浓厚嘅酱汁，加埋少少配菜：薯角、露笋、蕃茄、南瓜，样样都好啱食。猪手胶质非常之重，肉质好腍好香；鸡肾无想像中咁韧，又带轻轻辣香，又几好食㖞；而维也纳肠肠衣烟韧有弹力，亦唔会一口肥肉，真喺唔错 。
炸冰叶海胆天妇罗 $120 是晚最惊喜嘅菜式，印象中冲绳冰叶都喺好似第一次接触，冰叶沾上薄薄一层的炸浆，入口好脆，一啲都唔油，火喉控制恰到好处，而冰叶仍然湿润，又带点草香味，夹晌中间嘅海胆，份量多，又甘甜，轻沾点海盐，味道更一流，值得推介 ！
苦瓜茶渍饭 $70 多款重口味嘅料理之后，一道「苦瓜茶渍饭」可讲得喺「苦尽甘来」。以冲绳特产苦瓜茶嚟泡茶，加入饭团，再配以超薄嘅炸冲绳苦瓜片，带人走入淡雅甘香嘅回忆 。冲绳苦瓜特色之一，就喺苦味低，甘味重，苦瓜茶入口甘香，饭团浸透苦瓜茶之后，令饭粒食落有种回甘嘅滋味，而炸苦瓜片香脆非常，为茶渍饭收画龙点晴之效 。
甜品 $55店方甜品选择唔多，只有抹茶布甸（$45）及冲绳特色雪糕拌黑糖年轮蛋糕（$55）。由于小弟有少少抱恙，太冰冷嘢不宜入口，所以眼前嘅黑糖、红芋、盐味曲奇雪糕都无福消受。幸好，小弟之前晌同集团嘅其他餐厅，都已经试过依几款雪糕，个人推介始终都喺黑糖，因为味道突出，甜味原始唔做作；其次红芋（即喺红蕃薯）亦不俗，有蕃薯嘅粉甜，味道实在。
一边食住日本料理，一边跟朋友谈谈旅行轶事，想著，几时会亲访冲绳？一看这日本南部小岛之美！
张贴
